„ამერიკული ჰოსპიტალი თბილისის“ ნეიროქირურგიის დეპარტამენტის ხელმძღვანელი, მედიცინის დოქტორი ედიშერ მაღალაშვილი ხშირად ამბობს, რომ ექიმის ყველაზე დიდი შესაძლებლობაა პაციენტებს იმედი გაუღვივოს და სწორ ადგილასაა, რადგან „ამერიკული ჰოსპიტალი თბილისის“ მთავარი გამოწვევაა გახდეს პაციენტების იმედის სიმბოლო. სამედიცინო სფეროს ამ საპასუხისმგებლო და სირთულეებით სავსე სპეციალობაში დახელოვნება მან ცხოვრებისეულ გამოწვევად აქცია და ამ სურვილს მრავალჯერ გაჰყვა ქვეყნის საზღვრებს გარეთ. ჯერ კიდევ 30 წლის ასაკში მიენიჭა მედიცინის დოქტორის ხარისხი. ედიშერ მაღალაშილი „საქართველოს ახალგაზრდა ნეიროქირურგთა ასოციაციის“ დამფუძნებელია.

ამბობს, რომ უმთავრესია განსხვავებული და თანამედროვე სამედიცინო სერვისების შეთავაზება პაციენტებისთვის - მათივე ჯანმრთელობის სრულყოფისთვის. 24-წლიანი სამუშაო გამოცდილების მქონე წარმატებულმა ნეიროქირურგმა, კვალიფიკაციის ამაღლების მიზნით, პრაქტიკა ევროპის ქვეყნების არაერთ ცნობილ კლინიკაში აიმაღლა, კერძოდ, დანიაში, ავსტრიაში, ჩეხეთში, გერმანიასა და თურქეთში.

არც ისე დიდი ხანია, რაც ბუბა შალამბერიძე „ამერიკული ჰოსპიტალი თბილისის“ მაღალკვალიფიციურ ექიმთა გუნდს შემოუერთდა. გადაწყვეტილება ერთადერთი მიზნით მიიღო - AHT-ის უახლესი ტექნოლოგიური მიღწევების საშუალებით, პაციენტებისთვის ხელმისაწვდომი გახდეს ისეთი სამედიცინო მომსახურება, რაც ქვეყნის მასშტაბით, სხვა კლინიკებსა და ჰოსპიტლებში ჯერ არ დანერგილა.

კოლეგებთან საუბრისას მალხაზ კინწურაშვილი ხშირად ხაზგასმით აღნიშნავს, რამდენად დიდი მნიშვნელობა აქვს პაციენტებისთვის ექიმების გუნდურობას და კოლაბორაციას. მდიდარი პროფესიული გამოცდილების მქონე ნეიროქირურგი მრავალი ადგილობრივი თუ საერთაშორისო სამეცნიერო კონფერენციისა და კონგრესის მონაწილეა, არის ამერიკის ქირურგთა კოლეჯის წევრი, საქართველოს სამედიცინო სპეციალობების ასოციაციის (GAMS) ნეიროქირურგიული მიმართულების წარმომადგენელი. ის 30-მდე სამეცნიერო ნაშრომის ავტორი და თანაავტორია. მალხაზ კინწურაშვილი საქართველოს მთლიანობის აღგდენისთვის ომის ვეტერანიცაა, დაჯილდოებულია მედლით საბრძოლო დამსახურებისთვის.