„ამერიკული ჰოსპიტალი თბილისის“ ენდოკრინოლოგიის დეპარტამენტი მაღალკვალიფიციური კადრებით გამოირჩევა. ქრონიკული დაავადების მქონე პაციენტებზე ზრუნვა და მათი მოვლა კარგად სტრუქტურირებულია – კონსულტაციისა და დიაგნოსტირების გარდა, მნიშვნელოვანია მათი მუდმივი მონიტორინგი და დინამიური მეთვალყურეობა.
AHT-ის ენდოკრინოლოგიის დეპარტამენტის კვალიფიციური მედპერსონალი გუნდური მუშაობის პრინციპით გამოირჩევა, როგორც დეპარტამენტში, ასევე ამერიკული ჰოსპიტალის ენდოკრინოლოგიური ქირურგიისა, ნეიროქირურგიის და სხვა დეპარტამენტებთან მჭიდრო კოლაბორაციის სახით.
ენდოკრინოლოგიური ქირურგიის დეპარტამენტში – სათანადო ჩვენების შემთხვევაში ტარდება ფარისებრი ჯირკვლის, ფარისებრახლო ჯირკვლებისა და თირკმელზედა ჯირკვლების პათოლოგიების, ასევე პანკრეასში ან საჭმლის მომნელებელი ტრაქტის სხვა ნაწილებში ლოკალიზებული ნეიროენდოკრინული სიმსივნეების ქირურგიული მკურნალობა;
ნეიროქირურგიის დეპარტამენტში – ტარდება ჰიპოფიზის ადენომების ტრანს-ნაზალური, ტრანს-სფენოიდალური ამოკვეთა.
ენდოკრინოლოგიურ დეპარტამენტში შესაძლებელია შემდეგი დაავადებების მკურნალობა:
- ჰიპოფიზის დაავადებები;
- ფარისებრი ჯირკვლის დაავადებები;
- პარათირეოიდული ჯირკვლების დაავადებები;
- თირკმელზედა ჯირკვლების დაავადებები;
- პოლიცისტოზური საკვერცხის სინდრომი;
- საკვერცხეების ნაადრევი გამოფიტვის სინდრომი;
- ოსტეოპოროზი;
- შაქრიანი დიაბეტი ტიპი 1;
- შაქრიანი დიაბეტი ტიპი 2;
- მეტაბოლური სინდრომი;
- ლიპიდური ცვლის დარღვევები.
AHT-ის ენდოკრინოლოგიურ დეპარტამენტში წარმატებით ფუნქციონირებს დიაბეტის სკოლა, სადაც „შაქრიანი დიაბეტი ტიპი 1“-ის მქონე პაციენტებს ეძლევათ შესაძლებლობა, ისწავლონ ხანმოკლე მოქმედების ინსულინის დოზების დამოუკიდებელი გათვლა სრულფასოვან კვებაზე, ინსულინოთერაპიის რეჟიმის ცვლილება ფიზიკური აქტივობისა და სხვადასხვა ინტერკურენტული დაავადებების დროს.
ენდოკრინოლოგთან მიმართვა მიზანშეწონილია მაშინ, როდესაც პაციენტს აღენიშნება ამა თუ იმ ენდოკრინული დაავადებისთვის დამახასიათებელი კლინიკური ნიშნები, ან უკვე დადგენილია ენდოკრინული დაავადება – სათანადო მართვისა და მეთვალყურეობის მიზნით.
ენდოკრინოლოგიური დაავადებების დიაგნოსტიკაში წამყვან როლს ასრულებენ:
- ლაბორატორიული კვლევები;
- ფუნქციური ტესტები;
- ფარისებრი ჯირკვლის, პარათირეოიდული ჯირკვლების, საკვერცხეების, მუცლის ღრუს ორგანოების ულტრაბგერითი კვლევა;
- ჰიპოფიზის მაგნიტურ-რეზონანსული ტომოგრაფია, რომელიც ტარდება ჰიპოფიზის ვიზუალიზაციისთვის ყველაზე ინფორმატიული დინამიური კონტრასტირებით;
- თირკმელზედა ჯირკვლების კომპიუტერული და მაგნიტურ-რეზონანსული ტომოგრაფია;
- ფარისებრი ჯირკვლის საეჭვო ულტრაბგერითი მახასიათებლების მქონე კვანძის არსებობის შემთხვევაში, ტარდება წვრილნემსიანი ასპირაციული ბიოფსია ულტრაბგერის კონტროლით და აღებული მასალის ციტოლოგიური გამოკვლევით.
GE 
EN 
RU 
TR 
