ლაბორატორია აღჭურვილია ბოლო თაობის მაღალტექნოლოგიური ანალიზატორებით:

1. ჰემატოლოგიური ანალიზატორი  Sysmex XN 1500 S;
2. ავტომატური კოაგულომეტრი SYSMEX, CS-2500;
3. ბიოქიმიის ავტომატური ანალიზატორი cobas C 311;
4. იმუნოლოგიური ავტომატური ანალიზარტორი cobas E 411;
5. შარდის ავტომატური ანალიზატორი cobas U 601;
6. ბაქტერიოლოგიური ავტომატური ანალიზატორი VC BTA3D CLN 120;
7. ბაქტერიების იდენტიფიცირების ავტომატური ანალიზატორი Vitek 2 Compact;

კვლევებს ასრულებენ  ლაბორატორიული მედიცინის მაღალი კვალიფიკაციის სპეციალისტები და ექიმები. ყოველდღიური შიდა და გარე ხარისხის კონტროლი იძლევა მაღალი სიზუსტის გარანტიას!

პროცესი – პრეანალიზიდან, ანალიტიკისა და პოსტანალიზის ჩათვლით, შედეგის დადასტურებამდე – ავტომატიზირებულია. დეპარტამენტის მიზანია, სრულად დაფაროს ლაბორატორიული ტესტების სპექტრი. დეპარტამენტი მუშაობს 24/7.

ლაბორატორიული სერვისები:

• იმუნოჰემატოლოგია;
• კლინიკური;
• ბიოქიმია;
• იმუნოლოგია;
• მიკრობიოლოგია;
• მორფოლოგია;
• ციტოლოგია.

რა არის ლაბორატორიული კვლევა

თითოეული კონკრეტული კვლევისთვის მასალის აღების, ტრანსპორტირებისა და შენახვის წესის დაცვას გადამწყვეტი მნიშვნელობა აქვს, რადგან დარღვევა კვლევის შედეგზე ისახება. ამის გარეშე, შეუძლებელია ხარისხიანი ლაბორატორიული ანალიზის ჩატარება და ზუსტი შედეგების მიღება.

სხვა შემთხვევებში, მასალა კლინიცისტის მითითებით ბარდება.

სწორად მომზადება ლაბორატორიული კვლევებისთვის

კლინიკური და ბიოქიმიური კვლევები:

• ანალიზის მიღება ხდება უზმოდ (ბოლო ჭამიდან, მინიმუმ, 8-12 საათის შემდეგ), დილით;
• ლაბორატორიაში წასვლამდე 12 საათით ადრე, არ მიიღოთ ალკოჰოლი, არ მოსწიოთ სიგარეტი და თავი შეიკავეთ ფიზიკური აქტივობისგან;
• არასასურველია მედიკამენტების მიღებაც, მაგრამ თუ ექიმის მითითებით აუცილებელია, გააფრთხილეთ ლაბორატორიის პერსონალი;
• თუ ლაბორატორიულ კვლევებთან ერთად, დანიშნული გაქვთ სხვა კვლევებიც (CT, MRI, რენტგენოგრაფია, მამოგრაფია და სხვა), აუცილებელია, საანალიზო მასალა ამ კვლევების ჩატარებამდე აიღოთ.

შარდის ანალიზი:

• ტესტისტირების წინა დღეს არ მიიღოთ ალკოჰოლი; 
• მოერიდეთ ცხარე და მარილიან საკვებს, ასევე ისეთ საკვებს, რომელიც ცვლის შარდის ფერს (მაგალითად, ჭარხალი ან სტაფილო);
• შარდის შეგროვებამდე ჩაიტარეთ გარე სასქესო ორგანოების ჰიგიენა, მოაგროვეთ შუა ულუფა;
• ციკლის დროს, ტესტის ჩატარება რეკომენდებული არ არის!

ბაქტერიოლოგიური კვლევა:

• ბიოლოგიური მასალა გროვდება მხოლოდ ბაქტერიოლოგიური კვლევისთვის განკუთვნილ სტერილურ ერთჯერად კონტეინერში;
• არ გარეცხოთ სტერილური კონტეინერი გამოყენებამდე;
• ნიმუშები უნდა შეგროვდეს მაქსიმალურად დაბინძურების გარეშე, რადგან ეს შედეგის არასწორ ინტერპრეტაციას იწვევს;
• ნიმუში უნდა შეგროვდეს ანტიბაქტერიული, სოკოს საწინააღმდეგო საშუალებების (ზოგადი და ადგილობრივი მნიშვნელობის) გამოყენებამდე;
• კვლევამდე 48-72 საათის განმავლობაში, დაიცავით დიეტური ბოჭკოებით მდიდარი დიეტა;
• არ მიირთვათ წითელი ხორცი, თევზი, კვერცხი, მცენარეული საკვები, მწვანე ბოსტნეული;
• ნებადართულია განავლის შენახვა არაუმეტეს 6-8 საათისა +2-დან + 8°С-მდე ტემპერატურაზე.

პოლიმერაზული ჯაჭვური რეაქცია (PCR):

• კვლევები უნდა ჩატარდესანტიბიოტიკებისა და/ან ანტიბაქტერიული პრეპარატების ბოლო დოზიდან, მინიმუმ 4 კვირის შემდეგ;
• მასალის მიღებამდე, აუცილებელია1-2 დღის განმავლობაში, თავი შეიკავოთ სექსუალური აქტივობისგან;
• მამაკაცებშიPCR კვლევებისთვის მასალის აღება ტარდება მოშარდვიდან მინიმუმ 3 საათის გასვლის შემდეგ. შარდსადენის უხვი გამონადენის არსებობისას – მოშარდვიდან 15-20 წუთის შემდეგ;
• ქალებში PCR კვლევები ტარდება მენსტრუაციის დაწყებამდე ან მისი დასრულებიდან 1-2 დღის შემდეგ.მენოპაუზის დროს (პრემენოპაუზა, მენოპაუზა, პოსტმენოპაუზა), ასევე, მენსტრუალური ციკლის ხანგრძლივობის რამე დარღვევის შემთხვევაში (ამენორეა, დისმენორეა და ა.შ.), ნებადართულია ნიმუშის აღება ციკლის ნებისმიერ დღეს;
• ტესტირებამდე 2-3 დღით ადრე, უნდა გამოირიცხოსინტრავაგინალური საშუალებების გამოყენება (სანთლები, მალამოები, კრემები და ა.შ.).

გლუკოზა ტოლერანტობის ტესტი:

• ჩაიტარეთ ექიმის რეკომენდაციით, წინასწარ, უზმოდ, გლუკოზის განსაზღვრის შემდეგ;
• არ არის რეკომენდებული პირის ღრუს ჰიგიენა და საღეჭი რეზინის მოხმარება.

ხშირად დასმული კითხვები: 

– როგორ მოვემზადოთ ანალიზისთვის, როდესაც სისხლში უნდა განისაზღვროს შარდმჟავა?

– აუცილებლად დაიცავით დიეტა. მოერიდეთ პურ-პუნთუშეულს და სამი დღის განმავლობაში, არ მიიღოთ ხორცი, თევზი, წითელი ღვინო, კვერცხი, ყველი, ღვიძლი.

– როგორ მოვემზადოთ ანალიზისთვის, როდესაც სისხლში უნდა განისაზღვროს რკინა, მაგნიუმი და ფოსფორი?

– იმ შემთხვევაში, თუ ამ ნივთიერებების შემცველ პრეპარატებს იღებთ, ანალიზი ჩააბარეთ მათი შეწყვეტიდან 10-14 დღის შემდეგ.

• ნიმუშის შეგროვებისა და ტრანსპორტირებისას არ დააბინძუროთ ჭურჭლის გარე ზედაპირი;
• შეგროვებული ნიმუშები უმოკლეს ვადაში ჩააბარეთ კვლევისთვის.

გინეკოლოგიური ნაცხი:

• ნაცხის მიღება აუცილებელია მენსტრუაციის ბოლოს, ან მომდევნო ციკლის მოსალოდნელ დაწყებამდე არაუგვიანეს 5 დღით ადრე;
• მენოპაუზის, ან გახანგრძლივებული ციკლის დროს, ნიმუში აიღეთ ექიმის დანიშნულებით;
• მასალის მიღებამდე 1-2 დღის განმავლობაში, აუცილებლად შეიკავეთ თავი სექსუალური აქტივობისგან;
• ტესტირებამდე 2-3 დღით ადრე უნდა გამოირიცხოს ინტრავაგინალური საშუალებების გამოყენება (სანთლები, მალამოები, კრემები და ა.შ.);
• ურეთრიდან ბიომასალა უნდა აიღოთ ან მოშარდვამდე, ან მოშარდვიდან ორი საათის შემდეგ;
• ჰიგიენური პროცედურა ჩაიტარეთ საღამოს.

ფეკალური მასა:

• განავალი გროვდება სპეციალურ ჭურჭელში, სასურველია, დილით;
• მასალის აღებამდე შეწყვიტეთ რექტალური სუპოზიტორების, ზეთების, მედიკამენტების მიღება, რომლებიც აძლიერებენ ნაწლავის მოძრაობას და ცვლიან მის ფერს, მათ შორის, საფაღარათე და ანტიპარაზიტული, ბარიუმის სულფატი, ბისმუტი, რკინა და კაოლინი;
• არ შეიძლება განავლის ჩაბარება კვლევისთვის კუჭისა და ნაწლავების რენტგენის კონტრასტული ნივთიერებების გამოყენებისშემდეგ 2 დღის განმავლობაში;
• განავლის შეგროვებამდე, აუცილებლად ჩაიტარეთ გარე სასქესო ორგანოებისჰიგიენური ტუალეტი;
• არ დაუშვათ, რომ შარდი და წყალიშევიდეს ნიმუშში;
• განავალი უნდა შეგროვდეს სუფთა ზედაპირზე;
• რეკომენდებულია, განავალი შუა ნაწილიდან, სპეციალური კოვზით შეაგროვოთ, რომელიც დამონტაჟებულია კონტეინერის სახურავზე. ბიომასალის მოცულობა არ უნდა აღემატებოდესკონტეინერის მოცულობის 1/3-ს;
• კვლევისთვის განავალი ლაბორატორიაში მიეწოდება შეგროვების დღეს, 1.5-2 საათის განმავლობაში.

კვლევა ფარულ სისხლდენაზე:

– რა უნდა გაითვალისწინონ ქალბატონებმა სასქესო ჰორმონების (FSH, LH, ესტრადიოლი, პროლაქტინი, ტესტოსტერონი, პროგესტერონი, ანტიმიულერის ჰორმონი) ანალიზისთვის?

– FSH, LH, ესტრადიოლის, პროლაქტინის, ტესტოსტერონის კვლევები ტარდება მენსტრუალური ციკლის მესამე-მეშვიდე დღეს, ხოლო პროგესტერონი – მენსტრუალური ციკლის 21-ე დღეს, ან  ექიმის მითითებით. რაც შეეხება ანტიმიულერის ჰორმონს, მისი შესწავლა არ არის დამოკიდებული მენსტრუალური ციკლის ფაზაზე.

– როგორ მოვემზადოთ ფარისებრი ჯირკვლის ჰორმონების (TG, TSH, T3, T4) ანალიზისთვის?

– კვლევა უნდა ჩატარდეს ფარისებრი ჯირკვლის ჰორმონების შემცველი პრეპარატების მიღებიდან 24 საათის შემდეგ. ანალიზამდე ორი-სამი დღით ადრე, გამორიცხეთ იოდის შემცველი საკვებისა და მედიკამენტების (ზღვის პროდუქტები, ნიგოზი, იოდირებული მარილი და ა.შ.) მიღება. 

– როგორ განვსაზღვროთ გლუკოზა სისხლში?

– ანალიზი ტარდება მკაცრად უზმოდ. არ არის რეკომენდებული პირის ღრუს ჰიგიენა და საღეჭი რეზინის მოხმარება.

– რისთვისაა საჭირო სიმსივნური მარკერების ტესტი?

– ეს ტესტი საშუალებას გვაძლევს განვსაზღვროთ კონკრეტული ნივთიერებები, რომლებსაც სიმსივნე წარმოქმნის. სიმსივნური მარკერების ტესტი გამოიყენება დიაგნოსტიკისა და დაავადების მონიტორინგისთვის.

– თუ ორი, სხვადასხვა ლაბორატორიიდან ერთი და იგივე ანალიზის განსხვავებული შედეგები მივიღეთ, ეს ნიშნავს, რომ ერთ–ერთმა შეცდომა დაუშვა?

– არა, რადგან ზოგიერთი ადამიანი მოქმედებს პრინციპით – „ენდე, მაგრამ გადაამოწმე“. ისინი ერთსა და იმავე ტესტებს სხვადასხვა ლაბორატორიაში გადიან და ზოგჯერ, ასეთი გადაკვეთის გამო, განსხვავებულ შედეგებს იღებენ. უმეტეს შემთხვევაში, ეს შეცდომა კი არა, კონკრეტული ლაბორატორიის შესაძლებლობებია, რაც გამოიხატება კვლევის სხვადასხვა მეთოდში, ტესტ-სისტემების მგრძნობელობაში და სხვა. ცალკეულ შემთხვევებში, ასეთი სხვაობის მიზეზია, როგორ მოემზადა პაციენტი კვლევისთვის, როგორი იყო მისი დიეტა, რა დროს შეაგროვა ბიომასალა, რა ტემპერატურაზე შეინახა და როგორი ემოციური დატვირთვა ჰქონდა.

სხვადასხვა ლაბორატორიაში ტესტების ჩატარებამდე, შეამოწმეთ, არის თუ არა მათი შესაძლებლობები თანაბარი. ათიდან შვიდ შემთხვევაში, შეუსაბამობა წარმოიქმნება ტესტებისთვის მომზადების პირობების სხვაობის გამო. სანამ ექიმი დაიწყებს მიღებული მონაცემების გაშიფვრას, არ დაგავიწყდეთ, უთხრათ, ტესტისთვის მომზადების ყველა საჭირო დეტალი.

ანალიზები სპეციალისტმა უნდა შეადაროს, რადგან არსებობს სხვადასხვა პირობებში შესრულებულ კვლევებს შორის ლაბორატორიული კრიტერიუმით დასაშვები  განსხვავება. მაგალითად, თუ ერთ კლინიკაში ჰემოგლობინია 12, 4  და მეორეში – 12, 1, ხოლო ცილა ერთგან 72-ია, მეორეგან – 70, ეს დასაშვები განსხვავებაა, ამიტომ ანალიზები სპეციალისტმა უნდა შეაფასოს!

„ამერიკული ჰოსპიტალი თბილისის“ ლაბორატორიის დეპარტამენტს ხელმძღვანელობს ექიმი ლაბორანტი მანანა წულუკიძე.

„ვემზადებით თქვენი ვიზიტისთვის“

„ამერიკული ჰოსპიტალი თბილისის“ მენეჯმენტის უმთავრესი ამოცანაა, მიიღოს საერთაშორისო სტანდარტის აკრედიტირება – JCI  (Joint Commission International) და განახორციელოს უმაღლესი ხარისხის სამედიცინო სერვისი – თქვენი ჯანმრთელობის სრულყოფისთვის!