„ამერიკული ჰოსპიტალი თბილისის“ რეანიმაციის დეპარტამენტი, რომელიც წარმოდგენილია 23 საწოლფონდით, აღჭურვილია ულტრათანამედროვე სამედიცინო აპარატურით. პროფესიონალი მედპერსონალისთვის უმნიშვნელოვანესი და პრიორიტეტულია, როგორც პაციენტების ჯანმრთელობაზე ზრუნვა, ასევე მათი საერთაშორისო სტანდარტით გათვალისწინებული, მაქსიმალური უსაფრთხოების უზრუნველყოფა.

AHT-ის რეანიმაციის დეპარტამენტს გააჩნია ნებისმიერი სირთულის, კრიტიკულ მდგომარეობაში მყოფი პაციენტისთვის მულტიორგანული დისფუნქციით, სრულფასოვანი მომსახურების გაწევის შესაძლებლობა. ამისთვის, ჰოსპიტალს გააჩნია საკმარისი, როგორც მატერიალური, ასევე ადამიანური რესურსი. ეს უკანასკნელი გულისხმობს ექიმი/ექთანი/პაციენტის საუკეთესო შეფარდებას მაღალი ხარისხის სერვისის შეთავაზებისთვის. ეფექტური მუშაობის მთავარ პრინციპს წარმოადგენს გუნდურობა ჰოსპიტლის ინტერდისციპლინურ დეპარტამენტთა შორის. AHT-ის რეანიმაციის დეპარტამენტის მედპერსონალი ჩართულია უწყვეტი განათლების პროგრამაში. ამ მიზნით, ჰოსპიტალში მუდმივად, წინასწარ შედგენილი გრაფიკით მიმდინარეობს სამეცნიერო კონფერენციები, პრეზენტაციები, ტრენინგები, სტაფის დინამიური პროფესიული შეფასება/გადამზადების პროცესი – ადამიანური კაპიტალის დეპარტამენტთან კოორდინირებით.