ორთოპედიული ცენტრი

ორთოპედია-ტრავმატოლოგია - მიმოხილვა

ორთოპედია-ტრავმატოლოგია მედიცინის ის დარგია, რომელიც ადამიანის სხეულის საყრდენ-მამოძრავებელი სისტემის ტრავმულ, თანდაყოლილ ან შეძენილ პათოლოგიებს მოიცავს.

„ამერიკული ჰოსპიტალი თბილისის“ - AHT ორთოპედია-ტრავმატოლოგიის დეპარტამენტის კვალიფიციურ ორთოპედთა გუნდი გიორგი ობგაიძის ხელმძღვანელობით, 24/7 გთავაზობთ როგორც მოზრდილთა, ასევე ბავშვთა, ქირურგიულ და კონსერვატიულ მკურნალობას.

ჰოსპიტალში სრულდება პრაქტიკულად ყველა სპექტრის ტრავმატოლოგიური და ორთოპედიული ოპერაციები:

  • მუხლისა და მენჯ-ბარძაყის სახსრების ენდოპროთეზირება;
  • რეკონსტრუქციული ორთოპედია: მხრის ჩვეული ამოვარდნილობის ოპერაციული მკურნალობა, კვირისტავის ჩვეული ამოვარდნილობის ოპერაციული მკურნალობა და სხვ.;
  • მტევნისა და ტერფის ქირურგია;
  • ართროსკოპიული ქირურგია - მუხლისა და სხივ-მაჯის სახსრის პათოლოგიები, კოჭ-წვივის სახსრის პათოლოგიები;
  • ტრავმის შემდგომი გართულებები;
  • ოსტეოსინთეზი მინიინვაზიური თანამედროვე მეთოდებით;
  • ბავშვთა ორთოპედიული პათოლოგიები: ტერფმრუდობა, ბრტყელტერფიანობა, კისერმრუდობა, მენჯ-ბარძაყის სახსრის დისპლაზია;
  • ბავშვთა ტრავმატოლოგია: MIPO ტექნიკით მოტეხილობის ფიქსაცია ელასტიური ღეროების დახმარებით.

 

  • AHT-ის ორთოპედიის დეპარტამენტში ოპერაციები ე.წ. MIPO, მინიინვაზიური ტექნიკით ტარდება.

 

რატომ ირჩევთ AHT-ს

იმიტომ, რომ ჰოსპიტალი აღჭურვილია ულტრათანამედროვე სამედიცინო აპარატურით:

  • უახლესი Siemens ფირმის მაგნიტურ-რეზონანსული აპარატი 3 ტესლა სიმძლავრით;
  • უახლესი Siemens ფირმის 128 შრიანი კომპიუტერული ტომოგრაფიის აპარატი;
  • უახლესი Arthrex ფირმის ართროსკოპი;
  • უახლესი Siemens ფირმის C-Arm რენტგენის აპარატი, რაც უზრუნველყოფს ინტრაოპერაციულად საუკეთესო ვიზუალიზაციას;
  • უახლესი მიკროსკოპი

 

ამ აპარატურის საშუალებით, პაციენტები 24 საათის განმავლობაში იღებენ, როგორც გადაუდებელ, ასევე გეგმიურ სამედიცინო მომსახურებას.

AHT-ის ორთოპედიის დეპარტამენტის პროფესიონალთა გუნდი, რომელსაც საერთაშორისო კვალიფიკაციის ორთოპედ-ტრავმატოლოგი გიორგი ობგაიძე ხელმძღვანელობს, ყველა სპექტრისა და სირთულის ოპერაციებსა და ამბულატორიულ მანიპულაციებს ატარებს. კვალიფიციური ორთოპედ-ტრავმატოლოგები პაციენტებს ინდივიდუალურად, თითოეულ მათგანზე მორგებულ თანამედროვე და რაციონალური მკურნალობის მეთოდებს სთავაზობენ.

AHT-ის ორთოპედია-ტრავმატოლოგიის დეპარტამენტის პროფესიონალთა გუნდი, პაციენტების ჯანმრთელობის მდგომარეობის გათვალისწინებით, მჭიდრო კოლაბორაციაშია ჰოსპიტალის მომიჯნავე დეპარტამენტებთან. თითოეული პაციენტის ჯანმრთელობის მდგომარეობას ჰოსპიტალის მედპერსონალი ერთობლივად განიხილავს და სრულყოფილი ლაბორატორიული კვლევების საფუძველზე, შესაბამის მკურნალობას ატარებს.