ზოგადი მიმოხილვა

ჩვენი მიზანია გულის რითმის დარღვევების დიაგნოსტიკა და მკურნალობა თანამედროვე მეთოდებით და ვართ ამ სფეროში მოწინავე რეგიონალურ ცენტრებს შორის.

„ამერიკული ჰოსპიტალი თბილისის“ ტექნოლოგიური რესურსები მოწინავეა რეგიონში და სამედიცინო გუნდი ცნობილია თავისი დიდი გამოცდილებით.

არითმოლოგთან ვიზიტი და კვლევების ჩატარება ნაჩვენებია როდესაც:

• სიმპტომოტოლოგია მიუთითებს გულის არითმიაზე, როგორიცაა გულის ფრიალის შეგრძნება. გულისცემის აჩქარება რომელიც იწყება და მთავრდება უეცრად, არარეგულარული გულისცემა, თავბრუსხვევა ან გონების დაკარგვის ეპიზოდი, რითმის დარღვევები გამოვლენილი ელექტროკარდიოგრამაზე, 24-საათიანი ჰოლტერზე ან ხანგრძლივი მონიტორინგის მოწყობილობაზე;

• დაბალი გულისცემისადმი მიდრეკილება (<60 დარტყმა/წთ) ასოცირებული დაღლილობასთან, ვარჯიშის ამტანობის დაქვეითებასთან, თავბრუსხვევასთან ან დაღლილობასთან;

• წინაგულების ფიბრილაცია (მოციმციმე არითმია) მუდმივი სიმპტომებით, მედიკამენტური მკურნალობის მიუხედავად;

• კარდიოსტიმულატორის მქონე პაციენტი, რომელიც საჭიროებს მოწყობილობის შემოწმებას;

• გენეტიკური კარდიოპათიის მქონე პაციენტი.

რა არის არითმიის რისკის ფაქტორები?

ზოგიერთმა რისკ ფაქტორმა შეიძლება გაზარდოს არითმიის განვითარების ალბათობა. ესენია:

• გულის იშემიური დაავადება. კორონარული არტერიების დაზიანება.

• გულის უკმარისობა ანამნეზში, ჩატარებული ოპერაცია გულზე.

• არტერიული ჰიპერტენზია

• შაქრიანი დიაბეტი;

• გულის თანდაყოლილი მანკები;

• ძილის აპნოე;

• ფილტვის ქრონიკული დაავადებები;

• ფარისებრი ჯირკვლის დაავდებები.

ალკოჰოლის, კოფეინის ან ნიკოტინის, სპეციფიური მედიკამენტების გადაჭარბებულმა მოხმარებამ, აგრეთვე სისხლის ელექტროლიტების დონის ცვლილებამ შეიძლება ასევე გაზარდოს არითმიის განვითარების რისკი.

ზოგიერთ არითმიას აქვს მნიშვნელოვანი გენეტიკური კომპონენტი. თუმცა, ზოგიერთ ადამიანს შეიძლება განუვითარდეს არითმია რაიმე ცნობილი რისკის ფაქტორის არარსებობის შემთხვევაშიც კი.

არითმიის ტიპები

არითმიები იყოფა ორ დიდ ჯგუფად:

• არითიები, რომელსაც ახასიათებს ტაქიკარდია, ანუ აჩქარებული გულისცემა;

• არითმიები, რომელსაც ახასიათებს ბრადიკარდია, ანუ დაბალი გულისცემა.

თუმცა, მარტო ტაქიკარდიის ან ბრადიკარდიის არსებობა სულაც არ ნიშნავს არითმიის არსებობა

არითმიები ასევე კლასიფიცირდება გულში მათი ლოკალიზაციის

• პარკუჭზედა ამ ჯგუფში შედის წინაგულების ფიბრილაცია და თრთოლვა, სუპრავენტრიკულური ტაქიკარდია, კვანძოვანი ტაქიკარდია, ვოლფ-პარკინსონ-უაიტის სინდრომი, დამატებითი გამტარი გზის არსებობა;

• პარკუჭების. ამ ჯგუფში შედის პარკუჭოვანი ტაქიკარდია და ხშირი პარკუჭოვანი ექსტრასისტოლები.

ელექტროფიზიოლოგიის ლაბორატორია

ლაბორატორია აღჭურვილია უახლესი სამგანზომილებიანი მაპინგისა და ფლუოროსკოპიის სისტემებით. აქ ტარდება ელექტროფიზიოლოგიური დიაგნოსტიკა და გულის არითმიების ინვაზიური მკურნალობა.

გამოკვლევები და მკურნალობა

• ელექტროფიზიოლოგიური კვლევა - გამოკვლევა ტარდება პაციენტებში, რომლებსაც აქვთ კლინიკური ისტორია, რომელიც მიუთითებს გულის არითმიაზე ან არასპეციფიური არითმიის დადასტურებული დოკუმენტაცია.

• კათეტერული აბლაცია (კრიო და რადიოსიხშირული) - გულის არითმიების ინვაზიური მკურნალობა, როგორიცაა წინაგულების ფიბრილაციის, სუპრავენტრიკულური ტაქიკარდიის და ხშირი პარკუჭოვანი ექსტრასისტოლების.

• კარდიოსტიმულატორის იმპლანტაცია - მკურნალობა ინიშნება პაციენტებში გულის გამტარი გზების დაზიანებისას, გულისცემის დაბალი სიხშირით, რომლებიც დაკავშირებულია სიმპტომებთან, როგორიცაა ადვილად დაღლა, დატვირთვისადმი ტოლერანტობის დაქვეითება, თავბრუსხვევა ან გონების კარგვა.

• გულის რესინქრონიზაციის აპარატის იმპლანტაცია - მკურნალობა ინიშნება შერჩეულ პაციენტებში გულის უკმარისობით.

• კარდიოვერტერ-დეფიბრილატორის იმპლანტაცია - მკურნალობა ინიშნება უეცარი კარდიული სიკვდილის პრევენციის მიზნით მაღალი რისკის მქონე შერჩეულ პაციენტებში

• ელექტრული კარდიოვერსია - პროცედურა, გულის სწრაფი ან არარეგულარული რიტმის შესაწყვეტად, ნორმალური, სინუსური რითმის აღდგენით.

• ჰოლტერის მონიტორინგი - არაინვაზიური გამოკვლევის მეთოდი, 24 - 72 სთ მიმდინარეობს უწყვეტი ელექტროკარდიოგრაფიული მონიტორინგი. შესაძლებელია გულის არითმიების დიაგნოსტიკა ან სკრინინგი. 

• იმპლანტირებული კარდიოსტიმულატორის, დეფიბრილატორის, რესინქრონიზატორის, შემოწმება და პროგრამირება.

ხშირად დასმული შეკითხვები