ზოგადი მიმოხილვა

„ამერიკული ჰოსპიტალი თბილისის“ - AHT გინეკოლოგიის დეპარტამენტი ქალბატონებს სთავაზობს, როგორც ამბულატორიულ, ასევე ქირურგიულ სერვისებს. გინეკოლოგიური დეპარტამენტის ამბულატორიული ნაწილი პაციენტებს თანამედროვე სტანდარტების მაღალკვალიფიციურ სამედიცინო მომსახურებას უწევს. დეპარტამენტის მედპერსონალი სრულ გინეკოლოგიურ გამოკვლევებს სთავაზობენ პაციენტებს - სწორედ ისინი ქმნიან სხვადასხვა check-up („ჩექაფ“) პაკეტებს, რაც თავის მხრივ, ადრეულ სკრინინგსა და დროულ მკურნალობას გულისხმობს. ამბულატორიული გინეკოლოგიური დეპარტამენტი აღჭურვილია უახლესი სამედიცინო ტექნოლოგიებით, რაც თავის მხრივ, ყველა ასაკობრივი ჯგუფის, კატეგორიისა და პრობლემის მქონე ქალბატონების სრულად გამოკვლევის საშუალებას გვაძლევს.

დიაგნოსტიკური პროცედურები

დიაგნოსტიკური პოცედურები

• საშვილოსნოს ყელის კიბოს სკრინიგნი;
• საშვილსონოს ყელის კიბოსწინარე დაავადებების დიაგნოსტიკა და მკურნალობა;
• გინეკოლოგიური ანთებითი დაავადებების დიაგნოსტიკა და მკურნალობა;
• დიაგნოსტიკური და ქირურგიული ჰისტეროსკოპია (საშვილოსნოს ღრუს დათვალიერაბა/გამოკვლევა, პოლიპის ჰისტეროსკოპიული მოკვეთა, საშვილოსნოს ღრუს დეფექტების მკურნალობა, ენდომეტრიუმის აბლაცია)
• დაზიანებული და საეჭვო უბნიდან მასალის აღება (ბიოფსია);
• საშვილსონოს ყელის დიათერმოკოაგულაცია და კონიზაცია;
• გარეთა სასქესო ორგანოების კონდილომების მოცილება;
• ორსულობის დაგეგმა, ორსულობისთვის მომზადება და ორსულობის მართვა.

კონტრაცეფციის სხვადასხვა მეთოდის შერჩევა

• პერიმენოპაუზისა და მენოპაუზის დროს არსებული პრობლემების დიაგნოსტიკა და მკურნალობა;
• ბავშვთა და მოზარდთა გინეკოლოგია;
• პირველი საინფორმაციო ვიზიტი გინეკოლოგთან;
• კოვიდის შემდგომი გინეკოლოგიური გართულებების მკურნალობა.

ხშირად დასმული შეკითხვები

რა სიმპტომები ახლავს ორსულობას და როგორ გავუმკლავდეთ მათ?

1. მკერდის დაჭიმულობა

ატარეთ კარგად მორგებული, ნატურალური ქსოვილის ბიუსტჰალტერი, რათა კარგად დაიჭიროს და არ დაჭიმოს მკერდი.

2. გულისრევა და პირღებინება

• არ იშიმშილოთ, ნუ გექნებათ ცარიელი კუჭი;
• მიირთვით „კრეკერები“, მშრალი ბურღულეული ან გახუხული პური საწოლიდან ადგომამდე;
• მიიღეთ მცირე რაოდენობით საკვები და ხშირ-ხშირად;
• მიიღეთ სითხე ჭამის შემდეგ და არა ჭამის დროს;
• მოერიდეთ ძალიან ცხიმიან, ცხარესანელებლიან და მძაფრი არომატის მქონე საკვებს.

3. გულძმარვა

დღის მანძილზე მისაღები საკვები დაყავით მცირე ულუფებად. ერიდეთ შოკოლადს, ცხიმიან საკვებს, ალკოჰოლს, მჟავე, ცხარე და სანელებლიან საკვებს.

4. ფეხის გაკავება/დაკრუნჩხვა

მიიღეთ კალციუმის საკმარისი რაოდენობა, ხშირად დაასვენეთ ფეხები, მიიღეთ თბილი აბაზანა.

5. ბუასილი

დღის განმავლობაში ხშირი დასვენება ასუსტებს ნაწლავებზე ზეწოლას, რაც გარკვეულ შვებას ჰგვრის ორსულს. 15-20 წუთით თბილ აბაზანაში ჩაწოლამ, შეიძლება, ასევე შეასუსტოს არასასიამოვნო შეგრძნება.

როდის არ არის მენსტრუალური ციკლი ნორმალური?

• -

• თუ თქვენ ხართ 15 წლის ან უფროსი და არასდროს გქონიათ მენსტრუალური ციკლი;

• -

• -

• თუ თქვენი მენსტრუალური ციკლი ყოველთვიურად რეგულარული იყო და შემდგომ აირია;

• თუ მენსტრუალური ციკლი უფრო ხშირად გაქვთ, ვიდრე ყოველ 21 დღეში ან ნაკლებად ხშირად, ვიდრე ყოველ 45 დღეში;

• თქვენი მენსტრუალური ციკლი 90 დღეზე მეტი ხნის ინტერვალით მოდის, თუნდაც ერთი ციკლისთვის;

• თქვენი მენსტრუალური ციკლი გრძელდება 7 დღეზე მეტი ხნის განმავლობაში.

რა იწვევს მტკივნეულ მენსტრუალურ ციკლს (დისმენორეა) და როგორია მისი მკურნალობის ტაქტიკა?

დისმენორეის დროს, ციკლის შემთხვევაში, უმეტესობას ძლიერი ტკივილი აწუხებს. ზოგ შემთხვევაში ტკივილს თან ახლავს ფაღარათი, გულისრევა, ღებინება და თავბრუსხვევა.

არსებობს ორი ტიპის დისმენორეა: პირველადი და მეორადი.

• პირველადი დისმენორეა - ეს არის მოვლითი ხასიათის ტკივილი მენსტრუალური ციკლის დროს, რომელიც შეიძლება დაიწყოს ციკლამდე პერიოდშიც.

• მეორადი დისმენორეა - ამ დროს, შესაძლოა, ტკივილი დაიწყოს მენსტრუალურ ციკლამდე რამდენიმე დღით ადრე, გაძლიერდეს ციკლის დროს და გაგრძელდეს მისი დასრულების შემდგეგაც. მეორადი დისმენორეას გამომწვევი მიზეზებია:

• ენდომეტრიოზი - როდესაც საშვილოსნოს ღრუს ამომფენი ქსოვილი სხვა ადგილას ჩნდება ან ლაგდება;
• კვანძები - ფიბროზული კვანძები იზრდება საშვილოსნოს ღრუში, კუნთოვან შრეში და მის გარეთ.
• ადენომიოზი-ეს არის როდესაც საშვილოსნოს ღრუს ამომფენი ქსოვილი ლაგდება საშვილოსნოს კუნთოვან შრეში.

დისმენორეას მკურნალობის ტაქტიკა:

 პირველადი დისმენორეას დროს, ძირითადად ინიშნება: სითბო, ძილი, დასვენება და თერაპია. შესაძლოა, საჭირო გახდეს ჰორმონალური თერაპიის დაწყება, ასევე B ჯგუფის ვიტამინებისა და მაგნიუმის კომბინაცია. ამასთან, დროული ულტრაბგერითი კვლევის წარმოება და დიაგნოსტიკური ჰისტეროსკოპია.

რა იწვევს და რა სიმპტომები ასოცირდება საშვილისნოს ყელის კიბოსთან?

საშვილოსნოს ყელის კიბოს 99.7% პაპილომავირუსული (HPV) ინფექციითაა გამოწვეული. პაპილომავირუსული ინფექციის შემთხვევათა დიდი ნაწილი სრულიად უსიმპტომოდ მიმდინარეობს და ხშირად თვითგანკურნებით მთავრდება. თუმცა პაპილომა ვირუსის ცალკეულ გენოტიპებს შეუძლიათ გამოიწვიონ კიბოსწინარე დაავადებები, ასეთი არანამკურნალები შემთხვევების კიბოდ გარდაქმნის რისკი კი დიდია.

საშვილოსნოს ყელის კიბოს სიმპტომები:

• მენსტრუალურ ციკლებს შორის სისხლიანი ან მოყავისფრო გამონადენი საშოდან;
• გახანგძლივებული და ჭარბი მენსტრუალური ციკლი;
• ტკივილი სქესობრივი აქტის დროს;
• მოყავისფრო ან სისხლიანი გამონადენი სქესობრივი აქტის შემდეგ;
• ტკივილი და დისკომფორტი მუცლის ქვედა არეში;
• უჩვეულოდ ჭარბი რაოდენობით გამონადენი საშოდან (არასასიამოვნო სუნისა და განსხვავებული შეფერილობის);
• მენოპაუზის შემდგომი სისხლიანი გამონადენი ან სისხლდენა

რა მენსტრუალურმა პრობლემებმა იჩინა თავი კორონავირუსის შემდეგ?

1. არარეგულარული მენსტრუალური ციკლი:

• 177 პაციენტიდან 45-ს ჰქონდა ჭარბი ან შემცირებული მენსტრუალური გამონადენი, 50 პაციენტში მენსტრუალური ციკლის ხანგძლივობა გაიზარდა ან შემცირდა;
• უმეტესად გამოვლინდა შემცირებული მენსტრუალური გამონადენი და მენსტრუალური ციკლის ხანგრძლივობა;
• მძიმედ მიმდინარე შემთხვევების 34%-ში, ციკლებს შორის პერიოდი, დაახლოებით, 37 დღით გახანგრძლივდა;
• ორი-სამი თვის შემდეგ, მენსტრუალური ციკლის ფუნქცია დაუბრუნდა ნორმას.

2. რეკურენტული ვაგინალური ინფექციები:

სტრესი, კოვიდი, იმუნური სისტემის დაქვეითება - ამ ყველაფერმა შესაძლოა გაამწვავოს ვაგინალური ინფექციები. პოსტკოვიდურ პერიოდში, ხშირია მოთეთრო ფერის გამონადენი და ქრონიკულად მიმდინარე სოკოვანი ინფექციებიც ამ დროს მწვავდება.

3. ლიბიდოს დაქვეითება:

• იზოლაცია იწევს დეპრესიას, რომელიც თავის მხრივ, სეროტონინს აქვეითებს;
• პოსტკოვიდურ პერიოდში, რიგი ანტიდეპრესანტების მიღებამ შესაძლოა, იგივე მექანიზმკთ ლიბიდოს დაქვეითება გამოიწვიოს.
• დეპრესია და შფოთვა მოქმედებს ძილის ციკლზე და მცირდება ესტროგენების გამოყოფა. ესტროგენები მშდოქმედებს ლიბიდოზე და იწვევს მის დაქვეითებას.

მიმოხილვა

„ამერიკული ჰოსპიტალი თბილისის“ გინეკოლოგიის დეპარტამენტის ქირურგიული მიმართულება პაციენტებს გინეკოლოგიური და ონკოგინეკოლგიური მომსახურების სრულ სპექტრს სთავაზობს. აქ, დროის უმოკლეს ვადებში, ტარდება ნებისმიერი გინეკოლოგიური და ონკოგინეკოლოგიური პათოლოგიის ზუსტი დიაგნოსტიკა  და მაღალკვალიფიციური მკურნალობა. ჰოსპიტალი აღჭურვილია ევროპული ხარისხის აპარატურით, ნებისმიერი მასშტაბის გინეკოლოგიური და ონკოგინეკოლოგიური ოპერაციები ტარდება ულტრათანამედროვე მეთოდებით.  

დიაგნოსტიკური პროცედურები

მკურნალობისთვის გამოიყენება თანამედროვე მკურნალობის მეთოდები და პაციენტზე ორიენტირებული მიდგომები:

• უშვილობის ლაპარასკოპიული დიაგნოსტიკა და მათი მკურნალობა –   ორგანოშემანარჩუნებელი ოპერაციები საშვილოსნოზე, როგორც ლაპაროსკოპიული და ჰისტეროსკოპული, ასევე ლაპაროტომიული მეთოდით;
• ლაპაროსკოპიული ოპერაციები დანამატებზე – საკვერცხის სხვადასხვა გენეზის კისტები (ყვითელი სხეულის კისტა, ფოლიკულური კისტა, საკვერცხის ენდომეტრიოზი, დერმოიდული კისტა);
• საშვილოსნოს კვერცხსავალ მილებზე ოპერაციები – ჰიდროსალპინქსი, პიოსალპინქსი, ჰემატოსალპინქსი, შეხორცებითი პროცესი მცირე მენჯში;
• საშვილოსნოს გარე ორსულობა;
• საკვერცხის კისტის გასკდომა – აპოპლექსია;
• საკვერცხის და/ან ფალოპის მილის შემოგრეხა;
• საკვერცხეების პოლიკისტოზის სინდრომი;
• ტუბოოვარიული ანთებითი წარმონაქმნის – პელვიოპერიტონიტის, დუგლასის აბსცესის ოპერაციული მკურნალობა;
• ენდომეტრიოზის ლაპაროსკოპიული მკურნალობა – ყველა სახის ოპერაციები ღრმა ენდომეტრიოზის დროს;
• საშვილოსნოს ლეიომიომა – ლაპაროსკოპიული და ჰისტეროსკოპიული მეთოდით, ასევე ლაპარატომიული მეთოდით, სუბსეროზული, ინტრამურული და სუბმუკოზური ლეიომიომა;
• რადიკალური ოპერაციები – ლაპაროსკოპიული და ლაპარატომიული მეთოდით, საშვილოსნოს ტოტალური ჰისტერექტომია, სუბტოტალური ჰისტერექტომია;
• საშომხრივი ოპერაციები – საშვილოსნოს საშოსმხრივი ექსტირპაცია, საშოს წინა კედლის კოლპორაფია, საშოს უკანა კედლის კოლპორაფია, ბართოლინის ჯირკვლის კისტა, ბართოლინის ჯირკვლის აბსცესი, საშოსმხრივი მცირე ოპერაციები, საშოს ან ვულვის პოლიპი;
• დიაგნოსტიკური და ოპერაციული ჰისტეროსკოპია – საშვილოსნოს ტანის პოლიპი, საშვილოსნოს ყელის პოლიპი, საშვილოსნოს სუბმუკოზური ლეიომიომა, ენდომეტრიუმის ჰიპერპლაზია, ენდომეტრიუმის რეზექცია და აბლაცია, საშვილოსნოს განვითარების მანკები, საშვილოსნოს ღრუს/ყელის  ძგიდე.

ონკოგინეკოლოგიური მიმართულება

ჩვენს ჰოსპიტალში ხელმისაწვდომია ქალის ავთვისებიანი სიმსივნეების  სადიაგნოსტიკო და სამკურნალო პროცედურები, რომლებიც საერთაშორისო რეკომენდაციების გათვალისწინებით, მსოფლიო სტანდარტების დონეზე არსებული მკურნალობის ულტრათანამედროვე მეთოდებით ტარდება. სამკურნალო პროცედურებისთვის გამოიყენება ლაპარასკოპიული და ლაპარატომიული მიდგომები.

გინეკოლოგიური სიმსივნეები რთული დაავადებებია, რომლებსაც ექსპერტული, სპეციალიზებული მკურნალობა სჭირდება. მკურნალობა, რომელსაც ჩვენ გირჩევთ, დამოკიდებული იქნება მრავალ ფაქტორზე, მათ შორის, თქვენთვის დიაგნოსტირებული გინეკოლოგიური სიმსივნის ტიპზე და მის გავრცელებაზე, თქვენი ინდივიდუალური მიზნების, საჭიროებებისა და პრეფერენციების გათვალისწინებით. გინეკოლოგიური სიმსივნის ექსპერტთა მულტიდისციპლინური გუნდი უპასუხებს თქვენს შეკითხვებს და შეგირჩევთ უნიკალური მკურნალობის ვარიანტებს თქვენი დიაგნოზისა და საჭიროებების შესაბამისად.

„ჩვენ გვჯერა გინეკოლოგიური ონკოლოგიური პაციენტების მკურნალობის ყოვლისმომცველი, ინტეგრირებული მიდგომისა, რადგან ეს ჩვენი გუნდის თითოეული წევრის ფილოსოფიაა. ვამაყობთ, რომ ვზრუნავთ ჩვენს პაციენტებზე – პრევენციიდან გამოჯანმრთელებამდე და თითოეული ადამიანის მიმართ, ჰოლისტიკური მიდგომა გვაქვს“.

რა არის გინეკოლოგიური ონკოლოგია?

გინეკოლოგიური ონკოლოგია მედიცინის სპეციალიზებული დარგია, რომელიც ორიენტირებულია ქალის რეპროდუქციული სისტემის კიბოზე. გინეკოლოგი ონკოლოგები იყენებენ საკუთარ ცოდნასა და გამოცდილებას, რათა მართონ პაციენტების სრული მკურნალობის კურსი ან მისი ნაწილი, მათ შორის, დაავადების დიაგნოსტიკისა და სტადიის დასადგენად და სიმსივნის ამოსაკვეთად – ქირურგიული ჩარევისთვის.

გინეკოლოგიური სიმსივნეების ტიპები

გინეკოლოგიურ სიმსივნეებს შორისაა:

• საშვილოსნოს ყელის კიბო;
• ფალოპის მილის სიმსივნე;
• გესტაციური ტროფობლასტური დაავადება (გტდ);
• პირველადი პერიტონეალური კიბო;
• საკვერცხის სიმსივნე;
• საშვილოსნოს სიმსივნე;
• ვაგინალური კიბო;
• ვულვის სიმსივნე.

თუ თქვენ დაგისვეს კიბოს ერთ-ერთი, ამ ტიპის დიაგნოზი, მნიშვნელოვანია გინეკოლოგ-ონკოლოგთან კონსულტაციები მკურნალობის გეგმის შესადგენად. კვლევებმა აჩვენა, რომ გინეკოლოგიური კიბოთი დაავადებულ ქალებს, რომლებსაც გინეკოლოგი-ონკოლოგები მკურნალობენ, საგრძნობლად უკეთესი შედეგები აქვთ.

გინეკოლოგიური კიბოს მკურნალობა

სანამ დაიწყებთ მკურნალობას, ჩვენი გინეკოლოგი-ონკოლოგები და პათოლოგები ერთად მუშაობენ ყოვლისმომცველი დიაგნოსტიკური შეფასების ჩასატარებლად, რომელიც შეიძლება მოიცავდეს მენჯის ღრუს გამოკვლევას, ულტრაბგერით კვლევას, ლაბორატორიულ და/ან სხვა ვიზუალიზაციის ტესტებს და სისხლის ანალიზს კიბოს ტიპისა და სტადიის დასადგენად.

ქირურგიული მკურნალობა

გინეკოლოგიური სიმსივნეების სამკურნალოდ ჩატარებული ოპერაციების ტიპები მოიცავს:

• Debulking (მოცულობის შემცირება) – ეს პროცედურა აშორებს შეძლებისდაგვარად მეტ სიმსივნურ ქსოვილს და მკურნალობა გრძელდება ქიმიოთერაპიით და/ან რადიაციით;
• ტოტალური ჰისტერექტომია – ეს ოპერაცია ტარდება მთელი საშვილოსნოსა და საშვილოსნოს ყელის ამოკვეთის მიზნით;
• რადიკალური ჰისტერექტომია – ამ პროცედურით ხდება მთელი საშვილოსნოს, საშვილოსნოს ყელის ორივე მხარეს ქსოვილისა და საშოს ზედა ნაწილის ამოკვეთა;
• ცალმხრივი სალპინგო–ოოფორექტომია – ამ ოპერაციით იკვეთება ცალი საკვერცხე და ცალი ფალოპის მილი;
• ორმხრივი სალპინგო–ოოფორექტომია – ამ პროცედურის დროს იკვეთება ორივე საკვერცხე და ფალოპის მილები. ამ ტიპის ოპერაცია შეიძლება ჩატარდეს საკვერცხისა და სარძევე ჯირკვლის კიბოს რისკის შესამცირებლად.
• ომენტექტომია – ეს პროცედურა ტარდება ომენტუმის, სისხლძარღვებით მდიდარი ქსოვილის უბნის მოსაშორებლად, რომელიც ფარავს ნაწლავებსა და მუცლის სხვა ორგანოებს. ეს კეთდება კიბოს მოცულობის ან სტადიის შესამცირებლად;
• ლიმფური კვანძების ამოკვეთა – ამ ოპერაციის დროს, ამოიკვეთება მიმდებარე ლიმფური კვანძები, რადგან ისინი შეიძლება შეიცავდნენ სიმსივნურ უჯრედებს. შესაძლოა, საჭირო გახდეს კიბოს სტადიის განსაზღვრაც;
• ვულვექტომია, რეგიონული ლიმფოდისექციით – ვულვის ავთვისებიანი სიმსივნეების დროს;
• წინა, უკანა და ტოტალური ეგზენტერაცია.

პროფილაქტიკური ქირურგია

კიბოს განვითარების რისკის შესამცირებლად ტარდება პროფილაქტიკური ან პრევენციული ოპერაცია. ჩვეულებრივ, პროცედურა რეკომენდებულია ქალებისთვის, რომლებსაც აქვთ კიბოს გარკვეული ტიპის განვითარების მაღალი რისკი. მაგალითად, პროფილაქტიკური ჰისტერექტომია ორმხრივი სალპინგო-ოოფორექტომიით, შეიძლება, იყოს რეკომენდებული ქალებისთვის, რომლებსაც დიაგნოსტირებული აქვთ ლინჩის სინდრომი – მემკვიდრეობითი მდგომარეობა, რომელიც ზრდის საშვილოსნოსა და საკვერცხის კიბოს რისკს, ან რომელთაც დადებითი ტესტის შედეგი აქვთ BRCA მუტაციაზე.

მკურნალობის სხვა საშუალებები

ქირურგიის გარდა, შესაძლოა, მკურნალობა მოიცავდეს ქიმიოთერაპიას, ტარგეტირებულ თერაპიას, ჰორმონოთერაპიასა და იმუნოთერაპიას – ცალკე ან კომბინირებულად. მაგალითად, ოპერაციის შემდეგ, საჭიროების შემთხვევაში, თქვენს გინეკოლოგ-ონკოლოგს შეუძლია დანიშნოს ქიმიოთერაპია, ტარგეტირებული თერაპია ან იმუნოთერაპია.

ზოგიერთი პაციენტისთვის არარეზექტირებადი ან ქირურგიულად რთული სიმსივნეებით, ასევე პაციენტებისთვის, რომლებსაც აქვთ ადგილობრივი რეციდივის მაღალი რისკი, შეიძლება ნაჩვენები იყოს სხივური/რადიაციული თერაპია. როდესაც ეს შესაძლებელია, ჩვენი რადიაციული ონკოლოგები გამოიყენებენ ინტენსივობით მოდულირებულ რადიაციულ/სხივურ თერაპიას (IMRT), რათა დაიცვან ნორმალური ქსოვილები რადიაციული ზემოქმედებისგან, რაც ზოგადად ამცირებს გვერდითი ეფექტების რისკს.

დაჯავშნეთ თქვენი ვიზიტი

ჩვენთან თქვენ მიიღებთ სრულ გინეკოლოგიურ გამოკვლევას ყველა ასაკის ქალბატონებისთვის განკუთვნილ კომფორტულ და არასტრესულ გარემოში.

ჩვენ ჩაგიტარებთ მხოლოდ თქვენს პრობლემაზე ორიენტირებულ, მიზანმიმართულ, საჭირო და აუცილებელ კვლევებსა და კვლევების შესაბამის კონსულტაციას.

ჩვენ ოჯახურ გარემოში ვემსახურებით ბავშვებსა და მოზარდებს, ვისმენთ მათ პრობლემებს, ვაძლევთ ყველა საჭირო ინფორმაციას გინეკოლოგთან პირველი ვიზიტის დროს და მხოლოდ საჭიროების შემთხვევაში, ვგეგმავთ შესაბამის კვლევებს. ჯანმრთელი მოზარდი - ეს არის ჯანმრთელი მომავალი თაობა.

• ჩვენთან ვიზიტისას, ჩაიტარებთ საშვილოსნოს ყელის სკრინინგს – დროული სკრინინგი ეს არის ონკოლოგიის პრევენცია

• ოჯახის დაგეგმარება, ორსულობის მართვა, ორსულობის სწორი დაგეგმარება და მართვა – ჯანმრთელი შთამომავლობაა!