ნიკა ნიქაბაძე „ამერიკული ჰოსპიტალი თბილისის“ მთავარი ჰოსპიტალისტია, შინაგანი მედიცინის დეპარტამენტის ხელმძღვანელი და ფსიქიატრი. მას გადამწყვეტი როლი ენიჭება ქრონიკული პათოლოგიებით დასნეულებული ადამიანების გამოჯანმრთელების პროცესში. ნიკამ, მისი ასაკისთვის უჩვეულოდ, დიდი და მრავალფეროვანი გამოცდილება უწყვეტი პრაქტიკითა და სწავლით დააგროვა. „დავით ტვილდიანის სახ. სამედიცინო უნივერსიტეტში“ სწავლის პერიოდში პრაქტიკა ნევროლოგიაში გერმანიაში გაიარა, ხოლო ზოგადი ქირურგიის პრაქტიკა - ლიტვაში. უნივერსიტეტის დამთავრების შემდეგ, რეზიდენტურა გაიარა შინაგან მედიცინასა და ფსიქიატრიაში „Klinikum Lüdenscheid“-ის ჰოსპიტალში, გერმანიაში. 2019 წელს აიღო ლიცენზია, როგორც შინაგან მედიცინაში, ასევე - ფსიქიატრიაში. ნიკა ნიქაბაძე კითხულობს სალექციო კურსს პათოლოგიასა და ფარმაკოლოგიაში, ასევე ფსიქიატრიასა და შინაგან მედიცინაში.