„ამერიკული ჰოსპიტალი თბილისის“ გუნდს ბავშვთა ნევროლოგი, მზია ქავთარაძე შემოუერთდა. თბილისის სახელმწიფო სამედიცინო უნივერსიტეტის დამთავრების შემდეგ, თბილისის სახელმწიფო სამედიცინო აკადემიაში აიმაღლა კვალიფიკაციის კურსი ნევროლოგიაში, პედიატრიულ ნევროლოგიაში, ასევე ეპილეფსიის მკურნალობასა და მართვაში. არის ეპილეფსიასთან ბრძოლის საერთაშორისო ლიგის, ევროპის ეპილეფსიის აკადემიისა და გელაძის სახელობის საქართველოს ეპილეფსიის წინააღმდეგ ბრძოლის ლიგის წევრი, 2008 წლიდან კი ვიდეო-ეეგ-ის სპეცილიასტია. წლების მანძილზე, მზია ქავთარაძე მუშაობდა საქართველოს სხვადასხვა მულტიპროფილურ კლინიკებში და აქტიურად მონაწილეობდა საერთაშორისო კონფერენციებში, როგორც საქართველოში, ასევე საზღვარგარეთ. არის რამდენიმე სახელმწიფო გაიდლაინი-პროტოკოლის თანაავტორი ბავშვთა ნევროლოგიაში. „ამერიკული ჰოსპიტალი თბილისის“ უმთავრესი პრინციპია, შექმნას უსაფრთხო გარემო პაციენტებისთვის და თითოეული მათგანის საჭიროებიდან გამომდინარე, შესთავაზოს უახლესი სამედიცინო სერვისი იმიტომ, რომ აქ დაგხვდებათ პროფესიონალ ექიმთა გუნდი - თქვენი ჯანმრთელობის სრულყოფისთვის!