განსაკუთრებულად მზრუნველი როგორც პატარებზე, ისე მათ მშობლებზე, - ასეთია „ამერიკული ჰოსპიტალი თბილისის“ პედიატრი მარია ლიპკა. ესაა ერთ-ერთი მიზეზი, რის გამოც მასთან ვიზიტი კომფორტული და საიმედოა. მისი წარმატება, უწყვეტ განვითარებასთან ერთად, სწორედ ამ მოტივაციამ განაპირობა. საქართველოში ერთ-ერთმა ყველაზე სახელგანთქმულმა პედიატრმა პროფესიული გამოცდილება საქართველოსა და ევროპის წამყვან კლინიკებში დააგროვა. ის სხვადასხვა საერთაშორისო კვლევის მონაწილეა, მათ შორის ბავშვთა პერიტონეალური დიალიზის საერთაშორისო კვლევის. არის ბავშვთა ნეფროლოგთა ევროპული საზოგადოების წევრი.