ვინაიდან რადიოლოგია თანამედროვე მედიცინის ეპიცენტრია, ამიტომ ეს მიმართულება ლალი დარჩიასთვის პრიორიტეტული აღმოჩნდა. „ამერიკული ჰოსპიტალი თბილისის“ რადიოლოგი თვლის, რომ თუ ზედმიწევნით ზუსტად იცი ადამიანის ანატომია და გაქვს აღქმის კარგი უნარი, ადვილად შეძლებ განასხვავო ნორმა პათოლოგიისგან. ზუსტი დიაგნოსტიკა კი ავადმყოფობის დამარცხების გარანტიაა. პროფესიული განვითარებისთვის აუცილებელია ამ სფეროს ინოვაციების სრულად ფლობა. სწორედ ამიტომ ლალი დარჩიამ კვალიფიკაცია გერმანიაში აიმაღლა. ლალი დარჩია არის ევროპის რადიოლოგთა ასოციაციის, ასევე საქართველოს რადიოლოგთა ასოციაციის წევრი.