მედიცინის დოქტორის, კობა სახეჩიძის პროფესიული კარიერა 2003 წელს, უკრაინაში „ვ. გუსაკის სახელობის გადაუდებელი და აღდგენითი ქირურგიის ინსტიტუტის“ უჯრედების და ქსოვილების კულტივირების ლაბორატორიაში დაიწყო, სადაც ქირურგად მუშაობდა. უკვე 10 წელზე მეტია ის საქართველოშია და ქირურგობასთან ერთად ჰიპერჰიდროზისა და ერითროფობიის მკურნალობის ცენტრსაც ხელმძღვანელობს. კობა სახეჩიძე არის მსოფლიო ბარიატრიის და მეტაბოლური ქირურგიის (IFSO) საზოგადოების წევრი , ენდოსკოპისტ-ქირურგთა ასოციაციის წევრი, სამედიცინო ონკოლოგიის ევროპული საზოგადოების წევრი (ESMO). კობა სახეჩიძე 19 სამეცნიერო პუბლიკაციის ავტორი და თანაავტორიცაა.