30 წლიანი სტაჟის მქონე დერმატო-ვენეროლოგი სოსო კობახიძე „ამერიკულ ჰოსპიტალ თბილისს“ თავისი ახალგაზრდა გუნდით შემოუერთდა. ის არ ნიშნავს ზედმეტ წამლებს და გამოკვლევებს, რაც, სამწუხაროდ, ხშირია დღევანდელ საქართველოში. არა მხოლოდ პანდემიის პირობებში, არამედ უკვე წლებია, პაციენტების დასახმარებლად ტელემედიცინას მიმართავს.
თვლის, რომ ევროპისა და მსოფლიოს სიახლეები საქართველოშიც პარალელურად უნდა დაინერგოს. ის აქტიურადაა ჩართული საქართველოსა და მსოფლიოს დერმატო-ვენეროლოგთა კონფერენციებში - როგორც მონაწილედ, ასევე სესიების თანათავმჯდომარედ. 2020წ. კი პორტუგალიაში, ლისაბონის მე-3 საერთაშორისო კონგრესს თავად თავმჯდომარეობდა. სოსო კობახიძე საქართველოს ჯანდაცვის სამინისტროს ოფიციალური ექსპერტია, არის თბილისის დერმატო-ვენეროლოგთა ასოციაციის ხელმძღვანელი, სქესობრივი გზით გადამდები დაავადებების საერთაშორისო გაერთიანების IUSTI-ის მმართველი საბჭოს წევრი. 2021 წლიდან კი საქართველოს წარმომადგენელია ევროპის დერმატო-ვენეროლოგთა აკადემიაში (EADV). სოსო კობახიძე პედიატრიული დერმატო-ვენეროლოგიის ასოციაციის თანადამფუძნებელი და ვიცე-პრეზიდენტიცაა. არის რამდენიმე ნაშრომის ავტორი და ევროპული სახელმძღვანელოს თანაავტორი.