ადამიანის ცხოვრების ხარისხის შენარჩუნება მნიშვნელოვნადაა დამოკიდებული ორთოპედ-ტრავმატოლოგებზე. სახსრების ასაკობრივი დაზიანებები, მოულოდნელი ტრავმები, მოტეხილობები - ადამიანების სასიცოცხლო ფუნქციებს ამცირებს. ამ დროს პაციენტები გადაუდებელ ვიზიტს ყველაზე სანდო და გამოცდილ ექიმთან გეგმავენ. ასეთია „ამერიკული ჰოსპიტალი თბილისის“ ორთოპედ-ტრავმატოლოგი, ორთოპედია-ტრავმატოლოგიის ცენტრის ხელმძღვანელი გიორგი ობგაიძე. თვლის, რომ ყველაზე რთული პაციენტისთვისაც ცხოვრების ხარისხის გაუმჯობესება ძალიან მოკლე დროში ენდოპროტეზირებითაც შესაძლებელია. პაციენტების ნდობა და სიყვარული მან თავდაუზოგავი შრომით მოიპოვა. 13-წლიანი სამედიცინო კარიერის მანძილზე, უამრავი რთული ოპერაცია აქვს ჩატარებული. მათ შორის ართროსკოპიული ოპერაციები მუხლის, იდაყვის, მხრის, სხივ-მაჯის, მენჯ-ბარძაყის, კოჭ-წვივის სახსრებზე, ასევე ოპერაციები ღია წესით კიდურების ყველა სეგმენტზე, ხერხემალზე, მენჯის ძვლებზე, მენჯ-ბარძაყის სახსრის ენდოპროტეზირება, მუხლის სახსრის პროტეზირება და ა.შ. გიორგი ობგაიძემ კვალიფიკაცია მსოფლიოს სხვადასხვა ქვეყანაში აიმაღლა, კერძოდ - თურქეთში, გერმანიაში, ბრიტანეთსა და იტალიაში. მსხვილი სახსრების ენდოპროტეზირების კურსს ის მიუნხენში, მენჯ-ბარძაყის სახსრის ენდოპროტეზირების მასტერ-კლასს კი ლონდონში დაეუფლა.