„ამერიკული ჰოსპიტალი თბილისის“ მამოლოგიის დეპარტამენტში არსებული თანამედროვე, მაღალმგრძნობიარე აპარატურის დახმარებით, სარძევე ჯირკვლის, პრაქტიკულად, ყველა დაავადების დროული დიაგნოსტირება შესაძლებელია. ჩვენთან შეგიძლიათ ჩაიტაროთ: 

• ექომამოგრაფია;
• გულმკერდის რენტგენოგრაფია;
• კომპიუტერული ტომოგრაფია;
• მაგნიტურ-რეზონანსული ტომოგრაფია. 

ეს კვლევები აუცილებელია სარძევე ჯირკვლების სხვადასხვა სახის დაავადებების დიაგნოსტირებისათვის, რომ დროულად დავიწყოთ შესაბამისი, პაციენტზე მორგებული ინდივიდუალური, ეფექტური მკურნალობა.

ძუძუს კეთილთვისებიანი დაავადებები, ძირითადად,  ჰორმონალური დისბალანსის შედეგია. ეს დაავადებებია : 

კვანძოვანი ფიბროადენომატოზი (კვანძოვანი მასტოპათია):

• ფიბროადენომა – ეს საყურადღებო დაავადებაა და არასოდეს არ გადადის კიბოში, თუმცა შესაძლოა, ფიბროადენომაში, როგორც ჯანმრთელ სარძევე ჯირკვალშიც, გაჩნდეს კიბოს უჯრედები.
• კისტა – სითხოვანი წარმონაქმნი. 40 წლის ზემოთ ასაკში, მიზანშეწონილია მისი ამოკვეთა, რათა არ მოხდეს კისტის კედლის ატიპური ცვლილებები და ავთვისებიანად გადაგვარება.
• ფიბროზულ-ცისტოზური და დიფუზური მასტოპათიები – პირდაპირ კავშირშია ფარისებრი ჯირკვლის პათოლოგიებთან, ხასიათდება მარცვლოვანებით. 
• სადინარშიდა პაპილომა – ძუძუს იშვიათი ფორმის  კეთილთვისებიანი  დაავადება.

მასტიტი:

• ლაქტაციური მასტიტი – მშობარობის შემდეგომ ეტაპზე, რძის არასრული დაცლისა და სადინარებში მისი დაგროვების შემდეგ ვითარდება.
• არალაქტაციური მასტიტი – კანიდან ან ძუძუს დვრილიდან მიკრობული ფლორის შეჭრისა და ინფიცირების შედეგი. 
• ლიპომა – ასევე, არ უნდა დაგვავიწყდეს მამაკაცის სამკერდე ჯირკვლების დაავადებები, როგორებიცაა გინეკომასტია, კიბო, „მონდორის“ დაავადება, ძუძუს თავის ადენომა და სხვა, რომლებიც საჭიროებენ არანაკლებ ყურადღებას და ექიმთან ვიზიტი აუცილებელია.

ძუძუს კიბო

ძუძუს კიბო  ყველაზე გავრცელებული სიმსივნეა ქალებში. სტატისტიკის მიხედვით, ეს დაავადება ყოველ მეათე ქალს აქვს.

ძუძუს კიბოს ადრეულ სტადიაში აღმოჩენის შემთხვევაში, დაავადებული ქალების 95%-ზე მეტი, მინიმუმ, 5 წელი ცხოვრობს.

დიაგნოსტიკისა და მკურნალობის  მეთოდების  გაუმჯობესების მიუხედავად, 35-55  წლის ასაკის ქალებში, ძუძუს კიბო, ლეტალური გამოსავლის მიზეზებს შორის, პირველ   ადგილზეა.

• სისხლში ჰორმონების (პროლაქტინის, სასქესო და ფარისებრი ჯირკვლის  ჰორმონების) დონის განსაზღვრა.
• დვრილიდან გამონადენის არსებობის შემთხვევაში, გამონადენის ციტოლოგიური გამოკვლევა.
• კვანძოვანი მასტოპათიის დროს, სიმსივნური წარმონაქმნის ბიოფსია, ჰისტომორფოლოგიური გამოკვლევა.
•  
• • მამოგრაფია (კონტრასტული და  უკონტრასტო) – გვეხმარება გაფართოებული სადინარის, კისტის, ინტრადუქციული  პაპილომის, ფიბროადენომის, ძუძუს აბსცესის ან კიბოს დიაგნოსტიკაში. 
  • ექომამოგრაფია – ექოსკოპიის ჩვენებას წარმოადგენს – პაციენტის  ასაკი 35 წლამდე, ორსულობისა და მეძუძურობის პერიოდი.

• კისტები და დუქტოექტაზიები ძუძუში.

• რეგიონული ლიმფური კოლექტორების ვიზუალიზაცია.

• პუნქციური ბიოფსია ექოსკოპიური კონტროლით – 35 წლამდე ასაკის ქალებში.

• ექოდოპლეროგრაფია – მისი საშუალებით განისაზღვრება ჯირკვლების სისხლმომარაგება.
• ძუძუს MRI, კონტრასტით – ზრდის მგრძნობელობას 75%-მდე, მამოგრაფიასთან შედარებით – 32%-ით.
• ბიოფსია (ოთხი  ტიპის) – ასპირაციული, COR ბიოფსია, ინციზიური ბიოფსია, ექსციზიური  ბიოფსია .

პროფილაქტიკის მიზნით, 25 წელს ზემოთ, წელიწადში ერთხელ მაინც უნდა ჩაიტაროთ კონსულტაცია, ხოლო 40 წლის ასაკიდან, რეკომენდებულია წელიწადში ორჯერ გასინჯვა. 

გარდა ამისა, მიმართეთ მამოლოგს, თუ ქვემოთ ჩამოთვლილი, რომელიმე სიმპტომი აღგენიშნებათ:

• ლიმფური კვანძების გადიდება და ტკივილი გულ-მკერდის არეში;
• ძუძუს დვრილების გაუფერულება, ფორმისა და კონტურის ცვლილება;
• მკერდზე წყლულების გავრცელება;
• მკერდის კანის ცვლილება;
• გამონადენი ძუძუს თავიდან.

რატომ უნდა მოვიდნენ ჩვენთან – რას ვთავაზობთ პაციენტებს განსხვავებულს?

სარძევე ჯირკვლის პათოლოგიების დროს, უმეტესწილად, ზუსტი დიაგნოსტიკისთვის საჭიროა ქსოვილის ციტოლოგიური და ჰისტოლოგიური გამოკვლევა. 

„ამერიკულ ჰოსპიტალ თბილისში“ ყველა სახის ბიოფსიური პროცედურის ჩატარება შეგიძლიათ:

• ქორ-ბიოფსია და ასპირაციული ბიოფსია ულტრაბგერითი კონტროლით; 
• ექსციზიური და ინციზიური ბიოფსია; 
• ტრეპანაციური ბიოფსია.

ბიოფსიური მასალის აღების დროს, ხდება ტიტანის კლიპის იმპლანტაცია სიმსივნის არეალის მარკირების მიზნით, რაც მნიშვნელოვანია ოპერაციის დროს, სიმსივნის ზუსტი ლოკალიზებისთვის.