“ამერიკული ჰოსპიტალი თბილისი“ ქალაქის ცენტრში მდებარე, JCI აკრედიტაციის მქონე, მრავალპროფილური სამედიცინო დაწესებულებაა, რომელიც 2021 წლიდან ფუნქციონირებს. American Hospital Tbilisi სწრაფად გახდა თანამედროვე, ტექნოლოგიურად განვითარებული, საერთაშორისო დონის ჯანდაცვის სერვისების მიმწოდებელი სამედიცინო დაწესებულება, სადაც თითოეული პაციენტი თავს დაცულად და ფასეულად გრძნობს. “ამერიკული ჰოსპიტალი თბილისი”, რომლის საერთო ფართობი 25 000 კვ.მ–ია, აერთიანებს 168 საავადმყოფო საწოლს, 7 საოპერაციო ბლოკს, 2 კათეტერიზების ლაბორატორიას, აღჭურვილია თანამედროვე დიაგნოსტიკური ჰაბით, პაციენტებს სთავაზობს მაღალტექნოლოგიური კვლევებისა და ურთულესი ქირურგიული ჩარევების ფართო სპექტრს.

ჩვენი სპეციალისტები არიან საერთაშორისო გამოცდილების მქონე ექიმები, რომლებიც იყენებენ მოწინავე მკურნალობის მეთოდებს სხვადასხვა სამედიცინო სფეროში, მათ შორის ტრავმატოლოგიაში, ნეიროქირურგიაში, კარდიოლოგიაში, ონკოლოგიაში, ენდოკრინოლოგიში, ზოგად ქირურგიასა თუ სხვა წამყვან სპეციალობებში.

2024  წელს ჰოსპიტალმა მიიღო JCI აკრედიტაცია, რაც წარმოადგენს ხარისხის ოქროს სტანდარტს და საერთაშორისო აღიარებას სამედიცინო მომსახურებისა და პაციენტების უსაფრთხოების კუთხით. ეს სტატუსი კიდევ ერთხელ ადასტურებს, რომ ჰოსპიტალში დანერგილი თითოეული პროცესი შეესაბამება გლობალურ სტანდარტებს და პაციენტის მოვლა დაფუძნებულია ნდობაზე, გამჭვირვალობასსა და პროფესიონალიზმზე.

წლების განმავლობაში ჩვენ მნიშვნელოვნად გავაფართოვეთ შესაძლებლობები:

•⁠ ⁠გავხდით კერძო სადაზღვევო კომპანიათა უმრავლესობის პარტნიორი;

•⁠⁠ჩავატარეთ რამდენიმე ათეული საგანმანათლებლო სემინარი და ტრენინგი ექიმებისა და პაციენტებისთვის;

•⁠⁠გავხსენით თანამედროვე სიმულაციური სასწავლო ცენტრი – AHT Academy, სადაც ექიმები სწავლობენ უახლეს დიაგნოსტიკურ და სამკურნალო მეთოდებს.

•⁠ ⁠აქტიურად ვთანამშრომლობთ საერთაშორისო და ადგილობრივ კომპანიებთან, სამთავრობო და არასამთავრობო ორგანიზაციებთან, მხარს ვუჭერთ თანამშრომლებისა და მათი ოჯახების ჯანმრთელობას.

2025 წლიდან American Hospital Tbilisi შეუერთდა Referans Medical Group-ს, რეგიონში ყველაზე დიდ სამედიცინო ქსელს, რაც ქმნის ახალ შესაძლებლობებს  მომსახურების გაფართოებისა და მოწინავე სამედიცინო ტექნოლოგიების დანერგვისთვის.

ჩვენ ვამაყობთ თითოეული პაციენტის საჭიროებებზე მორგებული ინდივიდუალური მიდგომით, კომფორტზე, უსაფრთხოებასა და მაღალი სტანდარტების სამედიცინო მომსახურებაზე ორიენტირებული სერვისებით.  თქვენი ჯანმრთელობა ჩვენი მთავარი პრიორიტეტია!