ჯანმრთელობის სრულყოფისთვის ზრუნვა გინეკოლოგ თამარ ცხომელიძისთვის ქალების ჯანმრთელობაზე ზრუნვით იწყება, რადგან ჯერა, რომ სწორედ ჯანმრთელი ქალია ჯანსაღი მომავლის საწყისი. „ამერიკული ჰოსპიტალი თბილისის“ გუნდის წევრს კარგად აქვს შესწავლილი იშვიათი და სხვა გენეტიკური დაავადებების პრენატალური დიაგნოსტიკის უახლესი მეთოდები, ისევე როგორც საშვილოსნოს ყელის პათოლოგიების სკრინინგის, პრევენციის, დაიგნოსტიკისა და მართვის თანამედროვე ტენდენციები. ის პროფესიული საერთაშორისო კონგრესების ხშირი მონაწილეა. გარდა კლინიკური საქმიანობისა, თამარ ცხომელიძე საკუთარ გამოცდილებას სტუდენტებსაც დიდი ენთუზიაზმით უზიარებს. თამარ ცხომელიძე სამედიცინო პრემია „ღირსების გზის“ ლაურეატია.