ყველაზე დადებითი ემოციაა, როცა ნახულობ ზუსტი დიაგნოზის და შემდეგ სწორი მკურნალობის შედეგს, - თვლის „ამერიკული ჰოსპიტალი თბილისის“ ექიმი ნეირორადიოლოგი თამარ ანთია. ჩვენი პიროვნება ხომ ჩვენს აზროვნებაზეა დამოკიდებული, აზროვნების ორგანი კი ტვინია. სწორედ ამიტომ ადამიანის თავის ტვინში პათოლოგიის ადრეულ სტადიაში ამოცნობა ძალიან მნიშვნელოვანია. ყოველი შემთხვევის უკან ხომ ადამიანის ბედი და მისი სიცოცხლის ხარისხია. რადიოლოგია დღეს ყველაზე დინამიურად ვითარდება და სწორედ ეს დინამიკა გახდა გადამწყვეტი თამარ ანთიასთვის, რომელმაც ნევროლოგიიდან ნეირორადიოლოგიაში სწორედ ამ მიზეზით გადაინაცვლა. ამბობს, რომ პროგრესის ეს ტემპი მის ხასიათთანაა თანხვედრაში. თამარ ანთია საქართველოსა და ევროპის რადიოლოგთა ასოციაციების წევრია.