კომპეტენტური, ყურადღებიანი და მზრუნველი ექიმი - ასე ახასიათებენ მშობლები „ამერიკული ჰოსპიტალი თბილისის“ პედიატრს, ორთოპედსა და ქირურგს ლევან ქაჯაიას. ის არასდროს ანსხვავებს პაციენტებს საკუთარი შვილებისგან, გამოჯანმრთელებული ბავშვების ბედნიერი ღიმილი კი საკმარისი მოტივაციაა მისთვის, რათა პროფესიული განვითარება არ შეწყვიტოს. საქართველოს გარდა, პროფესიული გამოცდილება მოსკოვში, ნ.ნ. პრიოროვის ორთოპედიისა და ტრავმატოლოგიის ცენტრალურ ინსტიტუტში შეიძინა. ლევან ქაჯაია არის, როგორც ორთოპედიული ქირურგიისა და ტრავმატოლოგიის საერთაშორისო, ასევე საქართველოს საზოგადოებების წევრი.