რადიოლოგიის პროფესიით ჯერ კიდევ სამედიცინო ინსტიტუტში სწავლის პერიოდიდან დაინტერესდა. შედეგად, მაღალ დონეზე აითვისა რენტგენ-ლაბორანტის საქმე, რამაც მასში სურათის ფორმირების პრინციპების აღქმა გამოიმუშავა, რაც სამომავლოდ, მაღალი დონის დიაგნოსტიკისთვის აუცილებელი წინაპირობა და საფუძველია.

ირაკლი ავაზაშვილმა წარმატებით გაიარა რეზიდენტურა, ჩააბარა საკვალიფიკაციო გამოცდები და ამ პერიოდში დაეუფლა მაღალი დონის, როგორც კლინიკურ, ასევე - რადიოლოგიურ გამოცდილებას. წლების განმავლობაში, მუშაობდა საქართველოს სხვადასხვა წამყვან, მულტიპროფილურ კლინიკებში, იყო მიწვეული სპეციალისტი-რადიოლოგი ლევან სამხარაულის სახელობის სასამართლო ექსპერტიზის ეროვნულ ბიუროში.