ინტერვენციული რადიოლოგია თანამედროვე დიაგნოსტიკისა და მკურნალობის ერთ-ერთი პოპულარული და განვითარებადი მიმართულებაა. ამ უახლესი სამედიცინო ტექნოლოგიის საშუალებით, მრავალი ოპერაციის თავიდან აცილებაა შესაძლებელი და ამიტომ, გასაკვირი არაა, რომ საქართველოში, ეს სერვისი მხოლოდ ერთეულ კლინიკებშია ხელმისაწვდომი.
„ამერიკულ ჰოსპიტალ თბილისში“, ინტერვენციული რადიოლოგიის მიმართულებას ექიმი რადიოლოგი, დავით შენგელია ხელმძღვანელობს. ამბობს, რომ სამედიცინო უნივერსიტეტში სწავლისას, მედიცინის ამ მიმართულებით მხოლოდ ერთი მიზეზით დაინტერესდა - ქვეყნის მასშტაბით, ინტერვენციული მედიცინა მძლავრად და სრული დატვირთვით არაა წარმოდგენილი. ინტერვენციული რადიოლოგია სადიაგნოსტიკო და სამკურნალო მიზნით, კომპიუტერული ტომოგრაფიის, ულტრაბგერის ან რენტგენის კონტროლის საშუალებით და მინიმალური ინვაზიით, სხვადასხვა სახის მანიპულაციების ჩატარებას გულისხმობს.