#AHT: „ამერიკული ჰოსპიტალი თბილისი“ AmCham-ის ტრადიციულ პიკნიკზე

ამერიკის სავაჭრო პალატის - AmCham ორგანიზებით, აშშ-ის საელჩოს ტერიტორიაზე ტრადიციული, ამერიკული სტილის პიკნიკი გაიმართა. ღონისძიებაზე, რომელიც აშშ-ის დამოუკიდებლობის დეკლარაციაზე ხელმოწერის 246-ე წლისთავს მიეძღვნა, 2 000-მდე ქართველ, ამერიკელ და უცხოელ სტუმარს უმასპინძლეს. წელს, პირველად, AmCham-ის ტრადიციულ პიკნიკს „ამერიკული ჰოსპიტალი თბილისი“ - AHT შეუერთდა.

საქართველოში აშშ-ის საელჩოს წარმომადგენლების განმარტებით, წლევანდელი ღონისძიების მთავარი სლოგანი იყო - „სწრაფვა უფრო სრულყოფილი კავშირისკენ“. ეს ნიშნავს, რომ დემოკრატიისთვის საჭირო და რთული სამუშაო არასდროს სრულდება.

აშშ-ის საელჩოს ტერიტორიაზე, პიკნიკის სტუმრებს სხვადასხვა გასართობი, „ბარბექიუ“ და ცოცხალი მუსიკა დახვდათ. AHT, რომელიც გახსნისთანავე AmCham-ის წევრი გახდა, პიკნიკზე სპეციალური კუთხით წარსდა.

„ამერიკული ჰოსპიტალი თბილისის” იმპროვიზებულ სივრცეში, ქართველ და უცხოელ სტუმრებს საშუალება ჰქონდათ, გაცნობოდნენ ინფორმაციას ჰოსპიტლის შესახებ. სტუმრებისთვის დაცული, უსაფრთხო და კომფორტული გარემოს შესაქმნელად, ადგილზე, AHT-ის გადაუდებელი დახმარების ექიმებიც იმყოფებოდნენ. პიკნიკის პატარა სტუმრებმა კომფორტულად მოირგეს ექიმის ფორმა და სახალისო კადრებითაც დაგვამახსოვრეს თავი.

„ამერიკული ჰოსპიტალი თბილისი“ დამოუკიდებლობის დღეს ულოცავს შეერთებულ შტატებს!

სხვა სიახლეები

ვიზიტის დაჯავშნა

ექიმთან ჩასაწერად, გთხოვთ, შეავსოთ ქვემოთ მოცემული ფორმა. ჩვენი ქოლ-ცენტრი უახლოეს პერიოდში დაგიკავშირდებათ.